Aguest tipe de bièra ei der estil Scottish Ale, de nauta fermentacion. Opaca e escura tamb 5,4 grads de alcoòl. Plan avienta tara carn, pasta, cauquilhatge e hormatges.
S’arrecomane de beuer-la en veire leugèraments conic ena part superiora, a ua temperatura d’entre sèt e dotze grads. Eth sòn format ei en botelha de 33cl. color ròi. En caishes de 6 o 12 botelhes.
- Aroma: Se percep como torrat suau, leugèr, doçàs e leument frutat.
- Aspècte: Ambarenc prigond tamb tonalitats de coeire escur. Cristallina, per’mor dera sua fermentacion longa e en heired. Esgluma moderada e d’un color torrat suau.
- Sabor: Eth prumer sabor ei a malt, mès non pas massa hòrt. Era doçor iniciau a malt ven acreishuda pera caramelitzacion ena coduda. Estèrs frutadi de tipe moderat. Era hortor que balhe er auberon ei leugèrament moderada. Finau sec, gràcies a pichones quantitats de uerdi non maltat.
- Sensacion en boca: Còs contondent. Moderada carbonatacion. A viatges un shinhau cremosa.
- Ingredients: Malt basa pale, anglés o escocés. Pichones quantitats de uerdi torrat, que higen color e sabor. Auberons anglesi. Levame.
Immortèla designe era flor des nhèus. Avem ua polida cançon: “De cap tara ’Immortèla”, interpretada peth grop occitan (bearnés) NADAU. Ei un imme ara libertat e ar amor peth país occitan.