“I avec un viatge un gojat que didec ara sua familha e amics: –Me’n vau en bici entà Istambol-. Cuelhec era sua petita infraestructura e gessec en tot pedalar dera sua casa en Casarilh, ena Val d’Aran, ua petit val deth Pirenèu”

Toti pensaven que s’avie tornat un shinhau hòl. Abantes de partir artenhec de convencer-les de qu’ère ua bona idèa… veir mon, conéisher naui orizonts, amigadar-se tamb gent navèra, tastar minjars desconeishuts e, tanplan que òc, béver e saborar bières de desparièrs lòcs, vilatges e ciutats pes que passave. E talament coma s’ac avie propausat, arribèc en Istambol.

En tornar, eth jogat emmangèc eth trabalh entà artenher era sua tòca: hèr ua bona bièra artesanau e sajar de víuer d’aguest prètzhèt. E tric trac, eth mèn conde qu’ei acabat, e tric tric, eth mèn conde qu’ei finit”.

Atau estèc coma neishec era idèa de cap entath miei deth 2010 enter Tònho, aimant e bevedor de bièra amb caractèr pròpri, tamb coratge e talents d’elaborar era sua pròpria e dar-la a tastar. Comencèc en casa, a plaser, en tot esprovar naues recèptes, en perfeccionar era que mès li agradèc, e tamb era ajuda e empara morau (plan, plan de morau) dera familha e amistats se lancèren tamb volentat de bater-se…!, e, fin finala se’n gessec e entàs hèstes de Nadau deth 2011, ère en mercat!!!

Felicitacions e mercés a toti per èster aciu. Aguest projècte tanben ei vòste. As incondicionaus; es nòsti pairs, fraies, companhs, hilhs e cunhats. A Sergio “Iru” pes inicis, enquia ara e tostemp seràs dera casa. As gojats de Cerveza Artesana peth sòn supòrt, logistica e conselhs. A Julián e “Chapo” per sua rapiditat, trabalh ben hèt e simpatia. A Fernando e Manel pes sues anades e vengudes entà avec tot prèst a temps. Ara equipa d’Arantec pera sua professionalitat. A “Copisteria l’Angel” pes sues polides caishes e pera paciéncia de Pau. A Carlos Vilches pes sòns explics e classes de quimica. A Fico e Diana pes adaptacions lingüistiques. A Ruben peth trabalh enes papèrs. A toti aqueri que mos desbrembam e avetz creigut en nosati e mos avetz ajudat en bèra causa….gràcies….¡un milenat de gràcies! … que gauditz de BIÈRA ARANESA!!!