La Val d’Aran participe ena GSTC Destinations Community que se celèbre en Barcelona es dies 20 e 21 de noveme

·En aguesta cimera, es destinacions que dispausen d’un certificat peth sòn trebalh en defensa dera sostenibilitat toristica expliquen era sua experiéncia deuant destinacions que son en procès d’obtier-les

·Era Val d’Aran, que dispause deth certificat Biosphere Destination de mans dera UNESCO, participe ath costat de Fuerteventura, Fjord Norway e Sierra Gorda

Es dies 20 e 21 de noveme, era Val d’Aran participe ena cimera GSTC Destinations Community que se celèbre en Recinte Modernista Sant Pau de Barcelona. Er eveniment va dirigit as destinacions que dispausen de quauque tipe de certificat de sostenibilitat toristica, entà que mòstren es sues experiéncies deuant autes destinacions que siguen en procès d’arténher quauqua certificacion.

Era Val d’Aran, poseedora deth certificat Biosphere Destination per part dera UNESCO, participe ath costat de Fuerteventura, Fjord Norway e Sierra Gorda ena dusau session deth dia 20, titolada “Era sostenibilitat d’ua destinacion: Era manèra de maximizar es beneficis d’ua comunitat locau”. A compdar des 12 ores, era conselhèra de torisme, comèrç e consum, Anna Diaz, defenerà eth modèl dera Val d’Aran, qu’a estat arreconeishut internacionauments.

En aguesta session se preten dar a conéisher es impactes positius deth torisme en desvolopament sociau d’ua destinacion. Era percepcion e era implementación dera qualitat de vida locau. Atau madeish, tanben s’aufrís era vision des destinacions sus coma eth torisme sostenible pòt generar ua aumentacion deth desvolopament sociau locau, deth trabalh e era salut.

“Era Val d’Aran dispause deth certificat Biosphere Destination qu’arreconeish eth gran trebalh que des deth territòri se realize entara sostenibilitat dera activitat toristica. Èm era prumèra destinacion de montanha en artenhé’c e anam a explicar era nòsta experiéncia a d’autes destinacions que siguen dins procès d’obtié’c”, comente Anna Diaz.

“Era preséncia dera Val d’Aran en aguesta cimera demòstre qu’era nòsta destinacion artenh, de mès en mès, un major protagonisme en mapa toristic internacionau, e que podem servir d’exemple a d’auti territòris”, ahigec Diaz.