Era Val d’Aran presente era naua sason d’esquí en Madrid

Er otèl NH Collection Madrid Building siguec eth scenari escuelhut per Baquèira Beret entà realizar era presentacion dera naua sason d’esquí, 2014-15, qu’acabe de començar. Eth 11 de deseme, Foment Torisme Val d’Aran, siguec presenta en acte amassa damb ua delegacion de Baquèira Beret, entà presentar era presenta sason qu’ei fòrça especiau entara estacion d’esquí, donques que celèbre eth 50au aniversari dera sua fondacion. Eth 6 de deseme se celebrèc dita commemoracion, damb era dubertura parciau dera estacion.

En Madrid, es assistents ar acte de presentacion gaudiren dera projeccion exclusiva dera presentacion dera pellicula que commemòre eth 50au aniversari de Baquèira Beret. Un film que repasse era istòria dera estacion a trauès d’imatges d’archiu e un montatge damb imatges recentes elaborades per Bumpy Films e dirigit per Nil Torremocha.

Ath delà, en aguesta presentacion tanben s’installèc ua exposicion fotografica damb granes instantanees damb era representacion deth pas deth temps en Baquèira Beret des des ans 60 enquiara actualitat.

Fin finau, tanben se hec eth tiratge de sojorns de setmana, corsi d’esquí, forfaits e materiau d’esquí dera mèrca Salomon, entà que les poguen profitar es guanhadors pendent aguest pròplèu iuèrn.

“Ei un aunor poder dar a conéisher eth 50au aniversari de Baquèira Beret en Madrid. Era melhora estacion d’esquí der Estat Espanhòl ei d’enhorabuena, e toti es aranesi volem convidar ara gent a que gaudisquen dera Val d’Aran e de Baquèira Beret pendent aguest iuèrn. Multiples activitats ena nhèu atau coma d’après-ski demoren a milers de visitaires, que haràn que volguen tornar entà conéisher mès en prigondor eth nòste territòri”, comente era conselhèra de torisme, comèrç e consum,Anna Diaz.